Վերջապես մի լավ քարտեզ գտնվեց ինտերնետում, որը համապատասխանում է ներկայիս Հայաստանի և Լեռնային Արցախի Հանրապետությունների իրական սահմաններին, որը կարելի է նաև օգտագործել տարբեր ռեսուրսներում: www.map-armenia.com կայքում տեղադրված է Հայաստանի և Լեռնային Արցախի Հանրապետությունների վեկտորային քարտեզը (vector map of Armenia and Artsakh – Nagorno Karabakh), որը հնարավոր է ներբեռնել և օգտագործել: Նշեմ, որ կայքն ու միտքը այնքան են դուրս եկել, որ որոշեցի մի քանի տեղ գրանցեմ էս կայքի հղումը, նույնը խորհուրդ կտայի բոլորին, քանի որ այս քարտեզը մեր երկու հանրապետությունների իրական սահմաններով է և այն կարող է լուրջ կերպով նպաստել հայկական PR-ին ինտերնետում:

Նշեմ, որ կայքից հնարավոր է ներբեռնել քարտեզի երեք վեկտորային տարբերակներ` CDR (corel draw), EPS (illustrator) և AI տարբերակներով:

Ահա երեքտարբերակների հղումները.

• Map of Armenia and Artsakh CDR
• Map of Armenia and Artsakh EPS
• Map of Armenia and Artsakh AI

Կայքի հղումը գրանցեցի moemesto.ru, memori.ru, digg.com, armlinker.com էջանշումների համակարգերում (social bookmarking services), հետո գրեցի կայքի մասին իր հղումով twitter-ի իմ 3 հաշվեհամարներում, ֆեյսբուքում և հիմա էլ` իմ բլոգում: կավելացնեմ ևս մի քանի երրորդային ծառայությունների վրա գործող բլոգներում: կարծում եմ, որ ինչ-որ կերպ կօգնեմ քարտեզի տարածմանը, սակայն սա դեռ քիչ է. հարկավոր է, որ բոլորս, ովքեր կարող ենք օգտվել տարբեր սոցիալական մեդիա ռեսուրսներից, տարածենք այս տեսակ ռեսուրսների մասին ինֆորմացիան:

Այս քայլով հետագայում մենք կարող ենք հասնել նրան, որ ինչ-որ որոնողական համակարգում “Հայաստանի քարտեզ” կամ “map Armenia“, “map Karabakh” և այլ որոնումների դեպքում, օգտվողներն ունենան ճշգրիտ արդյունք, որն էլ համապատասխանում է հայկական շահերին:

Շնորհակալություն կայքի և քարտեզի հեղինակներին:

Վարդան Պապիկյան / blog.papikyan.biz