հայկական բլոգների կատալոգ և որոնողական համակարգ

225 հայկական բլոգային ռեսուրսներ արդեն գրանցված են հայկական բլոգների կատալոգում: Թիվվը, ճիշտ ա, էնքան էլ արագ չի մեծանում, բայց տեմպը դեռ կա.. Հայկական բլոգոսֆերայում նոր ու հին ռեսուրսների + նաև հայկական միկրոբլոգերների հղումները հասանելի են www.armblogs.ru կատալոգում:

Ասեմ, որ կատալոգում գրանցումը լրիվ անվճար է, ոչ մի հետադարձ կոճակի տեղադրում չի պահանջվում, բլոգների ոճային, տիրույթային ու այլ սահմանափակումներ էլ չկան.. Այնպես որ գրանցեք ~~

Հանդիպման քննարկվելիք թեման, ինչպես և նախորոք հայտարարել էինք, հայկական բլոգոսֆերայի` որպես գովազդային հարթակի, հնարավորություններն ու ապագան էր: Բնականաբար, ոլորտի մոնետիզացիայի և առհասարակ օն-լայն մեդիա ոլորտի գովազդային հնարավորությունների մասին եղան տարբեր կարծիքներ, ինչպես հիմնականում բլոգերների կողմից, այնպես էլ բիզնեսի տեսանկյունից:

ՆեոՄեդիայի կողմից (այսինքն` մենք) ներկայացվեց հանդիպման թեմայի հետ կոնկրետ կապված նոր հայկական կայք` BlogoMarket.com անվանումով, որի հիմնական նպատակն է ապագայում հայկական բլոգոսֆերայի` գովազդային հարթակ հանդիսացող մասի և հայկական բիզնեսի ուղիղ խաչմերուկ ձևավորելը. Հենց այս կայքի մասին էլ եղան տարաբնույթ կարծիքներ, ընդ որում` բացասականն ավելի շատ… որոշ մասնակիցներ գտան, որ ընդհանրապես, մեր բլոգոսֆերան, ինչպես և մյուս հայկական ոլորտները, գովազդ կգտնեն ծանոթ և բարեկամների միջոցով, կարծիքներ եղան, թե առհասարակ հայկական ինտերնետի գովազդային հնարավորությունները շատ թույլ են, եղան և դրական ու պոզիտիվ կարծիքներ, ըստ որոնց հայկական բլոգոսֆերան և առհասարակ, բլոգինգ երևույը կարող է շատ բիզնես-ոլորտների համար կարևոր գովազդային հարթակ հանդիսանալ…

Մեծ մասով, մեզ և’ որպես բլոգեր, և’ որպես պոտենցիալ գովազդատու, հետաքրքիր էր լսել կարծիքներ` կապված բլոգոսֆերայի մոնետիզացման հետ, ինչպես նաև իմանալ, թե ընդհանուր ինչ տրամադրվածություններ կան հայկական բլոգոսֆերայում մեր գործունեության հետ: Որպես ՆեոՄեդիայի համահեղինակ և նաև համաադմինիստրատոր, կարող եմ ասել, որ ամեն ինչ հիմնականում արդեն պարզ է և մենք արդեն գիտենք` մեր հետագա անելիքների ուղղվածությունը որ կողմ է թեքվելու:

Հանդիպման երկրորդ մասում ներկայացվեց HSearch.am հայկական որոնողական համակարգի և նրա մի մասը կազմող Hanguyc Points հայկական կոնտեքստային գովազդային համակարգի մասին: Համակարգը դեռ համեմատաբար նոր է, և որն էլ մեծապես կախված է հայկական ինտերնետային հասարակության ձևավորման հետ, ինչպես նաև կարիք ունի հայ ինտերնետային օգտվողների, կայքերի ադմինիստրատորների և բեզնեսի հետաքրքրվածության:

hanguyc Points համակարգը թույլ է տալիս տեղադրել կայքերում և բլոգներում գովազդային բլոկներ, որոնց հղումներով կատարված այցելություների համար համակարգը վճարում է կայքին կամ բլոգին: Պոտենցիալ գովազդատուների համար նշեմ, որ համակարգում արդեն ընդգրկված են ավելի քան 60 կայքեր, որոնցում ցուցադրվում են համակարգի կոնտեքստային գովազդային բլոկները:

հարկավոր է շեշտել, որ Հանգույցը ներառում է նաև որոնողական համակարգ, որն էլ կոնտեքստային գովազդի հնարավորություններն ավելի է մեծացնում գովազդատուների համար:

Կայքի հասցեն` www.HSearch.am

Եվ մի փոքր նաև անդրադառնամ BlogoMarket.com կայքի և նրա ապագայի մասին.

Կայքի հասցեն` www.BlogoMarket.com / բլոգոսֆերա – բիզնես խաչմերուկ

Նպատակը` Հայկական բլոգոսֆերայի և բիզնեսի փոխինտեգրում. բլոգոսֆերա – բիզնես խաչմերուկ

Հնարավորություններ` կայքում դեռևս ստեղծված է բլոգների գրանցման ֆունկցիա. Հրապարակվում են բլոգների մասին տեղեկություններ, որոնք պատրաստ են տեղադրել իրենց ռեսուրսում որոշակի տարբերակներով գովազդներ (նշված են 4 գովազդային արբերակներ, որոնք կարող են ընտրել գրանցվողները): Կայքում տեղեկությունները հրապարակվում են ամբողջությամբ բաց տարբերակով, և կայքը չի հետապնդում որևէ եկամուտ` բլոգների և բիզնես հայտարարությունների հրապարակումից կամ գովազդային հաջող գործարքներից: (մանրամասները` տես www.BlogoMarket.com կայքում)

Կայքը դեռ մոտակա ժամանակներս կլինի բետա` փորձարարական տարբերակում: Այսինքն, կայքում կարող են տեղի ունենալ փոփոխություններ` կապված ֆունկցիաների, նոր ֆորմաների և այլնի հետ: Ինչպես նաև, կայքը տարբեր ինտերնետային պրովայդերների այցելուների համար կարող է ժամանակավորապես չգործել, քանի որ երեկվանից ունենք DNS-ների խնդիրներ, ինչի համար ներողություն ենք խնդրում բոլոր նրանցից, ովքեր հետաքրքրված սեղմում են հղումը և հայտնվում դատարկ էջում :|

www.BlogoMarket.com կայքը ապագայում կպարունակի նաև մաս` նախատեսված բիզնես առաջարկների և հայտարարությունների համար, որոնք կվերաբերեն հայկական բլոգոսֆերային: Ինչպես նաև, հնարավոր է ավելացվեն գրանցված բլոգների մասին որոշակի վիճակագրական տեղեկություններ պարունակող դետալներ:

Իսկ, ինչ վերաբերում է իմ անձնական տեսակետին` կապված հայկական բլոգոսֆերայի մոնետիզացիայի և մեր օն-լայն գովազդային ոլորտի զարգացման հետ, ապա գտնում եմ, որ այն դեռ ունի շատ զարգանալու տեղ, բայց հարկավոր է արագացնել այդ զարգացումը և ինտեգրումը մեր հասարակությանն ու գործող բիզնեսներին և որի համար էլ կազմակերպեցինք այս քննարկումը և ստեղծեցինք նոր կայք, որն էլ հուսով ենք` կօգնի այդ զարգացումների արագացմանը…

Շնորհակալ եմ բոլոր բլոգերներին և առհասարակ` բոլորին, ովքեր մասնակցեցին հանդիպմանը և մասնավորապես` քննարկումներին:

Հաջորդ հանդիպման մասին կտեղեկացնենք շուտով մեր բոլոր ռեսուրսներով, որը վերաբերելու է հայկական բոլորովին նոր բլոգային համակարգին. հանդիպումը կլինի ուղղակի պրեզենտացիոն տարբերակով, այսինքն, հատուկ թեմաներ չեն լինի ընդգրկված, ուղղակի կներկայացվի նոր համակարգը և կխոսենք հենց այդ ոլորտի մասին, որին էլ պատկանելու է նոր համակարգը:

** «Հայ բլոգերների ակումբի» 2-րդ հանդիպման մասին մեծ ռեպորտաժը կհրապարակենք երկուշաբթի` մարտի 22-ին:

——————————— տեղեկություն —————————

Կազմակերպիչների տվյալները.
NeoMedia Project. iSOCIAL initiation
www.neomedia.am
www.isocial.biz
E-Mail: info@neomedia.am
Twitter: www.twitter.com/neopromoter

2010թ. մարտի 20-ին, ժամը` 19:00-ին, ամերիկյան համալսարանի բիզնես կենտրոնում տեղի կունենա ՆեոՄեդիա նախագծի iSocial նախաձեռնության կողմից կազմակերպվող “Հայ բլոգերների ակումբի” 2-րդ հանդիպումը:

Հայկական բլոգոսֆերայի զարգացման վերջին շրջանի տենդենցների, ինչպես նաև օն-լայն գովազդային և մեդիա ոլորտների հանդեպ հետաքրքրության բարձրացմանը զուգահեռ iSocial նախաձեռնությունը նպատակ է հետապնդում բազմակողմանի քննարկումների և ներկայացումների միջոցով փոխինտեգրման գործընթացներ իրականացնել հայկական օն-լայն մեդիա ոլորտի ներկայացուցիչների միջև:

“Հայ բլոգերների ակումբի” 2-րդ հանդիպմանը քննարկվելիք գլխավոր թեման է հայկական բլոգոսֆերայի մոնետիզացիան, օն-լայն գովազդային համակարգերի և հնարավորությունների կիրառումը բլոգային ռեսուրսներում:

Այս թեմայի համատեքստում իր ներկայացումը կանեն Hanguyc Points հայկական կոնտեքստային գովազդային համակարգի ներկայացուցիչները. Կներկայացվի Hanguyc Points-ի հնարավորությունները, ինչպես նաև հայկական որոնողական համակարգի` HSearch-ի մասին որոշակի տեղեկություններ:

Հանդիպման ժամանակ կներկայացվի նաև Social Innovation for Social Changes կովկասյան քեմփի ծրագրերի մասին` Օննիկ Գրիգորյանի կողմից:

Յուրահատուկ հնարավորություններով հագեցած նոր ռեսուրս կներկայացնի նաև ՆեոՄեդիա նախագիծը, որը կխթանի օն-լայն մեդիայի, բլոգոսֆերայի և գովազդատուների փոխինտեգրմանը և բլոգոսֆերայի մոնետիզացիային:

Հանդիպմանը մասնակցելու համար գրանցվում հարկավոր չէ. Մասնակիցների տվյալները կգրանցվեն հանդիպման ժամանակ: Հանդիպմանը կարող են մասնակցել բոլորը, ովքեր հետաքրքրված են վերանշյալ ոլորտների հանդեպ: Լրատվամիջոցների մուտքը նույնպես ազատ է:

“Հայ բլոգերների ակումբի” 2-րդ հանդիպմանը աջակցում են հետևյալ ռեսուրսները և կազմակերպությունները.

ARMACAD / www.armacad.org
YeritaSARD blog / http://sard.hetq.am
iReport.am MegaBlog / www.iReport.am

Հայ բլոգերների ակումբի 2-րդ հանդիպման պաշտոնական event-էջը` http://www.facebook.com/event.php?eid=355663783882

Առաջիկա հանդիպումների և սեմինարների խումբը ֆեյսբուքում (iSocial Group)` http://www.facebook.com/group.php?gid=146997430329

Առաջիկա հանդիպման մասին մանրամասն` http://www.ireport.am/2010/03/armenian-bloggers-club-2-announce/

Կազմակերպիչների տվյալները.
NeoMedia Project. iSOCIAL initiation
www.neomedia.am
www.isocial.biz
E-Mail: info@neomedia.am
Twitter: www.twitter.com/neopromoter

Արտերկրում բլոգները կարող են եկամտի իրական աղբյուր լինել, իսկ Հայաստանում այդ մշակույթը դեռ նոր է սկսում ձեւավորվել։ Այս մասին NEWS.am-Ինովացիայի թղթակցի հետ հարցազրույցում ասաց «ՆեոՄեդիա» նախագծի համահեղինակ եւ համաադմինիստրատոր Վարդան Պապիկյանը՝ հավելելով, որ լավ բլոգերները շատ արագ կարողանում են ընթերցողների մեծ բանակ հավաքել եւ վաստակում են ավելի շատ եկամուտներ, քան մի ամբողջ ինտերնետային խանութը։

«Հայաստանում այս մշակույթը նոր է ձեւավորվում, եւ շատերը բլոգով՝ որպես եկամուտի աղբյուրի, նոր են սկսում հետաքրքրվել»,- ասաց Պապիկյանը՝ ավելացնելով, որ այժմ հայաստանյան բլոգերները դեռեւս փոքր գումարներ են վաստակում բլոգում կոնտեքստ գովազդ տեղադրելով։

Ըստ Պապիկյանի՝ անհատի քաղաքական բլոգում դժվար թե որեւէ գործարար ցանկանա գովազդ տեղադրել, իսկ թեմատիկ բլոգներում կարելի է թեմատիկ գովազդը առաջ մղել։ «Հայաստանյան թեմատիկ բլոգների ավելացումը կարող է նպաստել բլոգներում գովազդի տարածմանը»,- ասաց Պապիկյանը՝ ավելացնելով, որ վերջին ամիսներին հատկապես Հայաստանում ինտերնետային գովազդով հետաքրքրվողների թիվն ավելացել է:

Լուրեր Հայաստանից – NEWS.am

………………..

Ավելացնեմ նաև, որ մարտի 20-ին տեղի է ունենալու հայ բլոգերների ակումբի 2-րդ հանդիպումը, որում մասնավորապես, քննարկվելու են ինտերնետային գովազդային հնարավորությունների կիրառումը հայկական բլոգոսֆերայում: Տես նյութը այստեղ >

Հայ բլոգերների ակումբի 2-րդ հանդիպման նպատակն է քննարկել հայկական ինտերնետային գովազդային շուկան և նրանում բլոգերների/բլոգների ինտեգրվածությունը, բլոգների մոնետիզացիային վերաբերող լուծումներ և այլն: Բլոգային կոմերցիան արդեն վաղուց բավականին զարգացած է այլ երկրներում, որը բազբաթիվ գովազդային լուծումներ է կարողանում առաջարկել գովազդատուներին. Եվ ժամանակն է, որ հայկական բիզնեսը ևս տեղյակ լինի բլոգային կոմերցիայի, բլոգների` որպես գովազդային հարթակ, կարևոր նշանակության մասին:

Այս նպատակով Բլոգերների ակումբի երկրորդ հանդիպմանը ՆեոՄեդիայի կողմից կներկայացվի նոր կայք, որը կխթանի հայկական բլոգոսֆերայի և ինտերնետային գովազդի փոխադարձ ինտեգրմանը:

բացի այդ, հայ բլոգերների ակումբի երկրորդ հանդիպմանը իրենց գովազդային լուծումները կներկայացնեն Hanguyc Points համակարգի ներկայացուցիչները:

Հանդիպման վայրն է` Ամերիկյան համալսարանի բիզնես կենտրոնը (AUA Business Centre), Ալեք Մանուկյան 9. Հանդիպման ժամը` 19:00, մարտի 20, շաբաթ օր:

Մուտքը ազատ է բոլոր ցանկացողների համար: Կարող եք հրավիրել նաև ձեր ընկերներին, ում կարող է հետաքրքրել հանդիպումը:

Հանդիպման պաշտոնական էջը Facebook-ում` http://www.facebook.com/event.php?eid=355663783882

Հանդիպման պաշտոնական էջը ՆեոՄեդիա նախագծի կայքում`

Հայ բլոգերների ակումբի 2-րդ հավաք-միջոցառման ինֆորմացիոն գործընկերներն են.

• iReport.am ամենօրյա ռեպորտաժների բլոգ-պորտալը / www.iReport.am
• ԵրիտաSard բլոգը / http://sard.hetq.am

Մանրամասների համար կապվեք մեզ հետ`
Էլ փոստ` info@neomedia.am
Հեռ.` (094) 33.94.88; (093) 60.86.06

…Այդ պատճառով էլ ստեղծել եմ այս տարածությունը, որտեղ ես կներկայացնեմ իմ խոհերն ու գաղափարները, որտեղ իմ խոսքերի և գործողությունների վերաբերյալ դատողությունները կբխեն ուղղակիորեն ձեզնից:
Կարծում եմ` շատ կարևոր է այն իրողության գիտակցումը, որ աշխարհի մասին մեր գիտելիքներն ու պատկերացումները հնանում են: Մարդիկ, որոնց հետ ես աշխատում եմ փոխվում են, փոխվում են պահանջներն ու սպասելիքները:
Իմ սպասելիքները` ձեզնից, ձերը` ինձնից:
Ես ձեզ հարցեր ունեմ: Դուք էլ, համոզված եմ, ինձ:

Այսպես է նշվում սույն բլոգի ստեղծման պատճառների ու նպատակների մասին…

Բարի գալուստ հայկական բլոգոսֆերա, ՀՀ վարչապետ!

Այցելեք բլոգը հետևյալ հասցեով` http://tigransargsyan.livejournal.com/

P.S. մնում է հուսալ, որ ՀՀ վարչապետի բլոգը չի հետևի այլ հայ քաղաքական և հասարակական գործիչների ստեղծման և կայացման օրինակին, որոնք ընդամենը 1-2 նոթերով սահմանափակվեցին և դադարեցին թարմացվել:

Ինչո՞ւ եւ ինչպե՞ս բացել ու օգտագործել վիրտուալ տարածքի այն նորաձեւ անկյունը, որ բլոգ է կոչվում, ինչպե՞ս զարգացնել այն ու սեփական նպատակներին ծառայեցնել, ի վերջո ինչպե՞ս հարեւանություն անել հայազգի այլ բլոգերների հետ եւ որդյո՞ք գոյություն ունի բլոգ վարելու էթիկա: Այս եւ նմանատիպ այլ հարցեր քննարկելու համար էին շուրջ 40 երիտասարդներ դեկտեմբերի 11-13-ը հավաքվել Ծաղկաձորի երիտասարդական կենտրոնում: Ամբողջ հոդվածը տես հետևյալ հղումով:

Ներկայացնում եմ նաև Սեդա Պապոյանի կողմից պատրաստված ռադիոռեպորտաժը, որը հեռարձակվել է «Ազատություն» ռադիոկայանի եթերով` «Մաքսլիբերթի» հաղորդման շրջանակներում:

Վերջին շրջանում իմ լավատեսական մոտեցումներին էսօր ևս մեկն էլ ավելացավ. Էրեկ վերադարձանք ծաղկաձորից, որտեղ «Համահայկական երիտասարդական միջազգային կենտրոն» հիմնադրամի կողմից կազմակերպվել էր Բլոգինգ. բլոգի կառավարման էթիկան եռօրյա սեմինար քննարկումները: Էս տարի արդեն մի քանի հանդիպումներ և սեմինարներ արդեն տեղի են ունեցել` կապված հայկական բլոգոսֆերայի հետ և սա արդեն խոսում է ոլորտի զարգացման տենդենցների ու ոլորտի հանդեպ հետաքրքրության բարձրացման մասին:

Հանդիպումը լավ էր կազմակերպված (տես նաև հանդիպման ֆոտո-ռեպորտաժը). կազմակերպիչները հրավիրել էին բլոգոսֆերայի հանդեպ հետաքրքրված երիտասարդների, սկսնակ և փորձառու մի քանի բլոգերների: Հանդիպում-քննարկումների դինամիկ ընթացքը դուրս եկավ ու արդյունքում կարծում եմ, որ մոտ ապագայում 3 կամ 4 նոր բլոգերային ռեսուրսի հիմք կդնենք, բոլորն էլ` լուրջ և նպատակային գործերի համար:

Հայկական IT ոլորտի առաջխաղացման մասին ա խոսում նաև X-Tech և BestBuy ընկերությունների կողմից պարբերաբար կազմակերպվող և արդեն ավանդական դարձած IT-ակումբի հանդիպումները, որոնք գնալով ավելի հետաքրքիր ու արդյունավետ են դառնում:

Էս վերջերս էլ մի երկու կազմակերպություններից տարբեր կոմերցիոն և գործընկերության առաջարկներ ենք ստանում` կապված սոցիալական մեդիա ոլորտի հետ: Մոտ ապագայում նրանցից որոշների հետ ամենայն հավանականությամբ կսկսվի համագործակցություն, իսկ 2010-ին կսպասենք լավ արդյունքների:

2010-ին մենք` NeoMedia նախագիծը, աշխարհ կհանենք բոլորովին նոր մի նախագիծ, որի մասին դեռ հարկ չեմ համարում խոսել, իսկ այս տարվա մեր նախագծերից ամենամեծ արձագանքներին արժանացավ ArmFeeds.com հայկական բլոգերային գրառումների կենտրոնացված հեռարձակման համակարգը, որի դեմոնստրացիոն պրեզենտացիան կատարեցինք հենց Ծաղկաձորյան սեմինար քննարկումների ժամանակ:

Էս տեմպերով կարծում եմ 2010-ին Հայաստանը IT ոլորտում նոր լուրջ ու հաջող արդյունքներ կունենա, իսկ մենք կփորձենք օգնել և զարգացնել հայկական սոցիալական մեդիան…

Կշարունակեմ այս թեման արդեն 2009-ը ամփոփող իմ հաջորդ գրառման մեջ…

Ըստ LiveInternet-ի հաշվիչի ցուցմունքների` բլոգի էջերի դիտումների քանակը նոյեմբեր ամսին ունեցել է 1918 ցուցանիշը: Բլոգ այցելողների թիվը (մեկ IP-ից) եղել է 578: Բլոգ հիմնականում այցելել են` հավաքելով բլոգի հասցեն` http://blog.papikyan.biz (386 անգամ): Այնուհետև, ամենից շատ բլոգ են այցելել Ֆեյսբուքից (Facebook)` 303 անգամ: Որոնողական արդյունքներով իմ բլոգ են այցելել 48 անգամ Google-ից: Որոնողական հարցումները, որոնք դեպի իմ բլոգ են բերել այցելուներին հետևյալն են. Armenian map, orangearmenia.am և/կամ orangearmenia, Ղարաբաղի քարտեզ, հայ բլոգերները, antirussia.org, դեսպան բլոգ և մի հոգի էլ այցելել է իմ բլոգ` որոնելով Vardan Papikyan :)

Բլոգիս այցելուները, ինչպես և սպասվում էր, հիմնականում Հայաստանից են. ինչպես նույն LiveInternet-ի հաշվիչն է ցույց տալիս, իմ բլոգի այցելուների 82%-ը Հայաստանից են, 5%-ը` ԱՄՆ-ից, մոտ 2-ական տոկոս են կազմում Ռուսաստանից, Ֆրանցիայից և գերմանիայից այցելությունները: Կարելի է հետևություն անել, որ առաջին ամսվա ընթացքում բլոգս հետաքրքրել է միայն հայաստանցիների շրջանում :)

Սա ընդհանուր վիճակագրական տվյալներ` կապված բլոգիս հետ: Մի փոքր էլ այն մասին, թե ինչ արդյունքներ ենք ունենում`  «Վարդան Պապիկյան» որոնողական հարցման դեպքում հանրահայտ Google-ում: Առաջին տասնյակը հետևյալն է.

#
Վարդան Պապիկյանի բլոգը | Vardan Papikyan’s blog
Official blog of Vardan Papikyan: Վարդան Պապիկյանի պաշտոնական բլոգը: Գրառումներ ՏՏ, գովազդային և …
blog.papikyan.biz/ – Сохранено в кэше
#
Բլոգի մասին | Vardan Papikyan
Արդեն որքան ժամանակ է` պատրաստվում էի գործարկել անձնական բլոգս, որը տեղադրված կլիներ …
blog.papikyan.biz/?page_id=2 – Сохранено в кэше
Дополнительные результаты с сайта blog.papikyan.biz
#
Vardan Papikyan (vardanpapikyan) on Twitter
- [ Перевести эту страницу ]
seo and advertisement manager, e-projects administrator – lux.am, armstats.ru, neocareer.ru etc..
twitter.com/VardanPapikyan – Сохранено в кэше
#
Twitter / Vardan Papikyan: @Mydorian ինչը ո՞նց :))
Login · Join Twitter! @Mydorian ինչը ո՞նց :)) 11:34 PM Oct 31st from CoTweet in reply to Mydorian · vardanpapikyan. Vardan Papikyan …
twitter.com/vardanpapikyan/…/5333409927 – Сохранено в кэше
Дополнительные результаты с сайта twitter.com
#
NetworkedBlogs on Facebook | Vardan Papikyan official blog
You’re now following Vardan Papikyan official blog … Description: Official blog of Vardan Papikyan, on of the administrators of NeoMedia project, …
apps.facebook.com/…/vardan_papikyan_official_blog/ – Сохранено в кэше
#
Vardan Papikyan official blog – NetworkedBlogs.com
Vardan Papikyan official blog. You’re new here, aren’t you? … Description: Official blog of Vardan Papikyan, on of the administrators of NeoMedia project, …
www.networkedblogs.com/…/vardan_papikyan_official_blog/ – Сохранено в кэше
#
Վարդան Պապիկյան և Վարդան Գրիգորյան …
«ՏՀՏ լիդերների առանց փողկապի հանդիպում» ֆորումում.
www.flickr.com/photos/…/3929167126/ – Сохранено в кэше
#
Photo-week.Net :: Yerevan City Photos By Vardan Papikyan :: Send …
Yerevan City, Armenia, Nature, Streets, Squares Photos By Vardan Papikyan.
www.photo-week.net/send.htm – Сохранено в кэше – Похожие
#
Links posted by vardanpapikyan (Vardan Papikyan) – Topsy
Vardan Papikyan. refresh. twitter.com/vardanpapikyan. Armenia, Yerevan City – seo and advertisement manager, e-projects administrator – lux.am, armstats.ru, …
topsy.com/twitter/vardanpapikyan – Сохранено в кэше
#
Papikyan.Biz – Papikyan Family Business Portal
- [ Перевести эту страницу ]
My name is Vardan Papikyan and this is my personal profile, where my web projects are presented. Now I’m working on and present NeoMedia Project, …
www.papikyan.biz/ – Сохранено в кэше – Похожие

Հիմնականում ամեն ինչ նորմալ է, եթե հաշվի չառնենք, որ Google-ը բավականին բարեհաջող ձևով ինդեքսացրել է իմ և Dorian-ի միջև թվիթերյան բաց խոսակցություններից մի հատված և այն որակել որպես հույժ կարևոր փաստ` կապված անձիս հետ … :surrender_tb:

Հետաքրքիր տվյալներ ներկայացնեմ նաև բլոգիս` որպես կոմերցիոն դաշտի տվյալներից: Ասեմ, որ անձամբ ես իմ պաշտոնական բլոգը համարում եմ թանկարժեք գովազդային կրիչ :) Խոսը վերաբերում է և գովազդային բաններներին և հոդվածների հատուկ հրապարակումներին և տեքստային հղումներին` որոնողական օպտիմիզացիայի համար նախատեսված:

Ասեմ, որ վիճակագրական ծառայությունը իմ բլոգում տեղադրվող մեկ տեքստային հղումը գնահատում էր ավելի քան $30 մեկ ամսվա համար, սակայն այժմ պետք է նշեմ, որ կապված բլոգիս մեջ հղումների թվի մեծացման հետ, այդ թիվը նվազել է… Դե հասկանում եք, SEO-ի տեսանկյունից այդպես էլ պետք է լիներ :))))

Նշեմ նաև, որ անձնական բլոգիս Google PR ցուցիչը 2-է, ինչը բավականին վատ արդյունք է, որի պատճառները ես գիտեմ, սակայն չեմ հրապարակում :))) Միայն կարող եմ ասել, որ այդ պատճաներն արդեն վերացված են և մոտ ապագայում արդեն PR ցուցիչի աճը անխուսափելի կլինի, որն էլ կմեծացնի բլոգիս դիրքն ու կոմերցիոն արժեքը :)))

Ի դեպ, նշեմ, որ որոշ որոնողական համակարգերի ինդեքսացնող ռոբոտներ, օրինակ Google-ինը, բավականին հաճախ են այցելում իմ բլոգ (երբեմն, օրեկան 2-3 անգամ)` նոր բովանդակության և մեկնաբանությունների ինդեքսացման հույսով: Այս փաստն ամենակարևորն է բլոգերի համար, որի համար ես շատ ուրախ եմ :)))

Վիճակագրությունից` այսքանը: Վիճակագրական տվյալներով կներկայանամ արդեն 2010-ի հունվարի կեսերին` այս ամսվա` դեկտեմբերի տվյալներով… :drunk_tb:

Վարդան Պապիկյան | blog.papikyan.biz